Upplýsingar um suðurferð aðra helgi eru komnar inná Facebooksíðuna

Minni á foreldrafundinn klukkan 18 í KA-heimili. Farið yfir vetrarstarfið og komandi viðburði.

Fyrir það fyrsta langar mig að kynna nýjan aðstoðarþjálfara í 6. flokk kvenna, Laufey Lára Höskuldsdóttir, leikmann meistaraflokks kvenna. Katrín Línberg og Karólína munu halda áfram að vera með okkur á þriðjudögum og fimmtudögum þannig að vel verður haldið utan um þennan flotta hóp okkar á æfingum. En þá að því leiðinlega. Því miður þarf ég að tilkynna það að við drögum lið 2 úr keppni. Það eru átta stelpur skráðar á mótið og alltaf 6 inn á í einu þannig að allar fá nóg að spila þannig að það er þó enginn heimsendir og við stefnum bara á tvö lið á næsta móti. Hins vegar þýðir þetta það að þar sem mótafyrirkomulagið er eins og það er, stelpurnar byrja ekki fyrr en 13:30 á laugardeginum og eru búnar klukkan 17:00 sama dag, þá er orðið óforsvaranlegt að gista í Reykjavík. Gisting í Reykjavík mundi kosta aukalega á bilinu 5000-7000kr og ég hreinlega vil ekki setja ferðina þannig upp að óþörfu. Sérstaklega í ljósi þess að við eigum eftir að fara í tvær ferðir í viðbót. Við gistum bara þá, sama hvernig allt saman þróast. Þannig að, það er brottför frá KA heimilinu klukkan 06:00 á laugardeginum, farið í Borgarnes þar sem stelpurnar borða og síðan keyrt í Víkina þar sem þær keppa. Eftir mótið er síðan heim aftur og fá stelpurnar mat á heimleiðinni. Ferðin kostar 7000kr, greitt við brottför. Innifalið í því er rúta, matur á leiðinni, ávextir og vasapeningur í Borgarnesi. Ferðin ætti að kosta 10.000kr. en Samherjasjóðurinn er notaður til að greiða ferðina niður um 3000kr. Stelpurnar þurfa að hafa með sér stuttbuxur, íþróttaskó, handklæði og nesti fyrir daginn. Ég minni á að nestið þarf að vera hollt og gott. Ef þið hafið einhverjar spurningar getið þið sent þær á mig á Facebook, eða email: stefan@ka.is eða hreinlega notað gamla símann, 868-2396

Jæja, brottför á föstudaginn klukkan 15:00 frá KA heimilinu. Gistum á Hótel Hafnafirði þar sem Cabin var uppbókað. Stelpurnar fá heita máltíð á föstudagskvöldið og síðan aftur á leiðinni heim á laugardeginum.

Eins og komið hefur fram á Facebook síðunni er hittingur í KA heimilinu klukkan 18:00. Um að gera að kíkja á Facebook síðuna þar sem þetta kemur betur fram. Facebook síða hópsins er eins og áður: https://www.facebook.com/groups/1719757391590207/

Tveir hlutir sem vert er að nefna. Annars vegar, nestið. Þetta er íþróttaferð þannig að nestið þarf að vera með þeim formerkjum. Hafa nestið hollt og gott. Ég trúi ekki á púrítanastefnu í þeim málum en súkkulaðisnúðar, gos og annað slikkerí er gert upptækt og fargað. Ég hef ekki gott af því að éta meira þannig að ég bið ykkur um að skilja allt slíkt bara eftir. Síðan eru það blessuð snjalltækin. Ég er eilítið togaður í þeim efnum. Ég ætla ekki að banna síma eða neitt slíkt. Stelpurnar mega taka þetta með sér á sína eigin ábyrgð. Símarnir geta líka þjónað ákveðnu öryggi fyrir þær en ég bið ykkur um að árétta fyrir þeim að símarnir eiga að vera ofan í vasa (ég mun tala um það við þær einnig) og sem minnst notaðir. En þær mega taka þá með sér. Fyrir þær sem eru kannski hálf kvíðnar fyrir því að fara til Reykjavíkur og gista annarsstaðar getur þetta verið mikið öryggistæki þannig að leyfum þeim að fljóta með. Eins ef það er eitthvað sem ég eða fararstjórarnir þurfum að vita fyrir ferðina, endilega látið okkur vita. Annars verður helgin bara hress, ég mun setja hér inn hvernig leikirnir ganga á laugardagsmorgun þannig að fylgist spennt með. Ef svo ólíklega vill til að einhver er ekki kominn inn á Facebook síðu hópsins þá má finna hana hér: https://www.facebook.com/groups/1719757391590207/

Við stefnum á að leggja af stað frá KA heimilinu klukkan 16:00, föstudaginn 13. nóvember. (tímasetningin gæti breyst þegar nær dregur, mun auglýsa það vandalega ef það gerist) Stelpurnar gista á Hótel Cabin (það veldið) en keppt er í Fylkisheimilinu í Árbæ. Allir leikir stelpnanna fara fram á laugardagsmorgun þannig að við leggjum af stað aftur heim um klukkan 14:00 á laugardeginum.

Bara að minna á eftirfarandi: Skráning iðkenda og greiðsla æfingagjalda fer nú öll í gegnum félagakerfið Nóra. Foreldrar sjá sjálfir um að skrá iðkendur og velja greiðsluform. Hægt er að skipta greiðslum á 1- 4 greiðsluseðla eða 1- 6. gjaldfærslur af kreditkorti. Athugið að 390 kr. seðilgjald bætist við hvern greiðsluseðil en engin aukakostnaður leggst við kreditkortafærslur. Allar greiðslur fara um kerfi kreditkortafyrirtækja á öruggum síðum, KA geymir engar slíkar upplýsingar. Systkinaafsláttur er 10% af hverju systkini og millideildaafsláttur hjá KA er 10%. Kerfið sér um að reikna afsláttin eins og við á. Til að nýta tómstundaávísun Akureyrarbæjar kr. 12.000 þarf að haka í nota frístundastyrk. Kerfið er mjög einfalt í notkun og leiðir mann áfram. Smellið á https://ka.felog.is til að fara á skráningarsíðu smellið hérna til að fá leiðbeiningar Ef þið lendið í vandræðum, eða hafið einhverjar fyrirspurnir um skráninguna hafið þá samband við Siggu gjaldkera,sigga@framtal.com eða í síma 892-2612

Jedú minn, ég virðist ekki hafa sent út síðuna eins og ég hafði lofað! Biðst innilega afsökunar á því! Endilega skráið ykkur inn á þessa síðu þannig að þegar eitthvað fréttnæmt á sér stað, að þið sjáið það sem fyrst. https://www.facebook.com/groups/1719757391590207/ Kv. Stebbi

Góðan daginn. Fimmtudaginn 17. september verður foreldrafundur fyrir foreldra stúlkna í 6. flokki kvenna. Fundurinn er klukkan 17:00 í KA heimilinu. Ef þið hafið einhverjar spurningar, endilega hafið samband. Kv. Stefán stefan@ka.is s:868-2396