mynd: Hannes Pétursson

Það var nóg um að vera hjá yngri flokkunum í handboltanum um helgina en 3. og 4. flokkur kvenna fór suður auk þess sem að stórt 6. flokksmót hjá bæði strákum og stelpum fór fram hér fyrir norðan.

3. flokkur kvenna:
Í raun komið að fyrstu prófraun liðsins, fyrsti leikur sem þessi hópur spilar saman svo skemmtilegt verkefni fyrir höndum sem var útileikur gegn Gróttu. Undirstrikaði fyrir leik hvernig við ætlum að tækla þessi verkefni í vetur sem leikir eru. Stelpurnar tóku gífurlega vel eftir og sýndu svo sannarlega hvað í þeim býr, handboltalega og ekki síður andlega. Vorum nokkrar mínútúr að samstilla strengi en komumst þó á lagið eftir fyrstu 10 mín leiksins. Bættum í hörkuna, fögnin og skemmtunina í hverri vörn og gáfum engan afslátt. Flottir kaflar sóknarlega en lentum í því að sterk 5-1 vörn andstæðinganna lét okkur fara hiksta undir lok fyrri hálfleiks. Ræddum málin í hálfleik og fundum leiðir til að vinna okkur útúr því. Í raun þróast leikurinn þannig að við skiptumst á þvi að vera að elta með 1-2 mörkum og að hanga í jafntefli, vantaði alltaf síðasta naglann í kistuna til að koma okkur framúr þeim. Súrt tap með tveimur mörkum því staðreynd eftir hörkuleik með miklum hraða staðreynd. Hellingur af jákvæðum hlutum sem við tökum með okkur úr þessu fyrsta verkefni vetrarins.

Við tók svo leikur gegn Aftureldingu, eftir að hafa tekið góðan fund kvöldið áður eftir súra tapið, rætt það hvernig við ætlum að halda standard á því hvernig við mætum til leiks, hvernig orkan og leikgleðin á milli leikmanna á að vera og huga að punktum sem gengu vel og öðrum ekki svo vel, vorum við tilbúnar í næsta verkefni. Stelpurnar mættu gjörsamlega með allt til fyrirmyndar í þennan leik. Vörnin granít, veggur sem tók við í rammanum, pílur fram völlinn og rusluðum okkur í gegn þegar okkur datt í hug. Fyrst og fremst skein GLEÐIN af andliti allra sem tóku þátt í leiknum frá fyrstu mínutu þar til það var flautað af. Eina sem virtist ætla standa í vegi fyrir sigri var svaðaleg frammistaða markvarðar vondu kvennanna. Nánast hver einasti leikmaður ákvað að gefa henni eina vítavörslu og þónokkrar í hefðbundnum leik. Staðreynd þessa leiks er að við stóðuð uppi sem sigurvegarar með einu marki því öllum í okkar liði langaði sigurinn þetta pínulitla meira en andstæðingunum. Þegar upp er staðið er það nákvæmlega það sem mun skila okkur svo miklu fleiri sætum sigrum í vetur - að nenna að hafa gaman af þvi sem við elskum. Heilt yfir helgin til fyrirmyndar innan sem utan vallar.

4. flokkur kvenna:
Flott helgi að baki. Lið 1 spilaði frábærlega í gær gegn sterku Gróttu liði sem skilaði þeim 2 punktum. Vægast sagt vængbrotið lið 2 spilaði svo fínan leik gegn HK 5 síðar um daginn en tapaði þó þeim leik. Leikurinn heilt yfir mjög góður þó. Lið 2 spilaði svo hörkuleik við UMFA2 í dag en tapaði að lokum með 4 mörkum. Leikurinn var vægast sagt vel spilaður ef frá eru taldar fyrstu 4 mínúturnar. Lið 1 lauk svo helginni með kaflaskiptum leik. Þær voru hreint út sagt frábærar í fyrri hálfleik en náðu ekki að fylgja góðri frammistöðu eftir í síðari hálfleik. Þær unnu þó sterkan sigur með þrem mörkum eftir að hafa leitt með 8 í hálfleik. Næsta helgi er svo heimaleikja helgi hjá báðum liðum

6. flokkur karla og kvenna:

Smelltu á myndina til að skoða allar myndir Hannesar Péturssonar frá mótinu um helgina

Á 6. flokksmótinu sem fram fór um helgina í KA-Heimilinu og Íþróttahöllinni tefldi 6. flokkur karla fram fjórum liðum og 6. flokkur kvenna var með eitt lið. Öll lið okkar stóðu sig með prýði en þetta var fyrsta alvöru mót margra keppenda okkar á Íslandsmóti. Hægt er að sjá öll úrslit mótsins með því að smella hér.

Stelpurnar í KA/Þór gerðu sér lítið fyrir og unnu sigur í sínum riðli í 3. deildinni en þær unnu alla leiki sína um helgina. Strákarnir í KA-1 unnu einnig sinn riðil í 3. deildinni en þeir unnu þrjá leiki og gerðu 1 jafntefli. KA-2 unnu sinn riðil í 4. deildinni og gerðu það með því að vinna alla sína leiki. Þá stóðu KA-3 og KA-4 sig vel í sínum riðli í 4. deildinni en liðin léku í sama riðli.