Nú eru æfingar komnar á fullt hjá 8. flokki stráka í handbolta. Í 8. flokki eru strákar í 1. og 2. bekk grunnskóla en stundum hafa 5 ára strákar verið að æfa með okkur. Æfingar eru á mánudögum og föstudögum kl. 14:30-15:30 í KA-heimilinu. Í 8. flokki er engin keppnisáhersla, við einblínum á að auka hreyfiþroskann með fjölbreyttum æfingum þar sem hver einstaklingur fær að njóta sín og er ekki í samkeppni við næsta iðkanda. Á flestum æfingum er hver og einn iðkandi með sinn bolta og gerir allar æfingar á eigin forsendum. Markmið æfinganna er að allir fái að njóta sín, fái góða hreyfingu og að það sé alltaf gaman að mæta á æfingar.