Sælir foreldrar

Mig langar til að segja ykkur aðeins frá ferðinni um helgina. Ferðin suður gékk mjög vel og komu allir ferskir út úr rútunni enda blíðu veður alla leið. Á föstudeginum spiluðu svo lið KA1 og KA2. Bæði lið stóðu sig með sóma. Svo á laugardag spilaði KA3 sína leiki og voru alveg frábærir. Hvað keppni varðar tel ég að strákarnir séu að taka gríðarlegum framförum og sýndu þeir það svo sannarlega á þessu móti. Við ætlum svo að mæta með auka lið í mót sem haldið verður á Akureyri í lok apríl þar komum við til með að stilla upp liðum skipuð strákum á yngra ári sem og jafnvel einu blönduðu liði. Meira um það síðar. En strákarnir ykkar fá bestu einkunn fyrir allt sem viðkemur svona ferð hvort sem það var í rútunni (Siggi bílstjóri gaf þeim hæstu einkunn fyrir umgengni) í íþróttahúsinu, í leikjum  eða bara hvar sem var. Takk fyrir okkur.

Kv Brói og Hrannar