Foreldar/forráðamenn yngra árs!

Nú er leikjaplan næstu helgar komið á hreint og eigum við að hefja leik kl.18 á föstudaginn. Við förum í rútu með 6.fl.karla en þeir eiga að byrja að keppa aðeins á undan okkur og því er brottfarartími ekki alveg kominn á hreint. Það sem hins vegar er vitað er að ferðin mun kosta 12500. Innifalið í því verða tvær heitar máltíðir (á leiðinni suður og á leiðinni heim), gisting á hótel Cabin með morgunmat og rútan ásamt eilitlu sameiginlegu nesti. (Þær sem eru með sérþarfir, fara bara með aðra leið t.d., hafi samband við þjálfara)

Leikjaplanið á föstudaginn er þannig að nokkur bið er á milli leikja og gæti því verið ágætt að nesta stelpurnar örlítið eða láta þær hafa pening sem hægt er að kaupa nesti fyrir sem yrði borðað á milli leikja eða eftir seinni leikinn sem hefst ekki fyrr en kl.20:40.

Brottför heim er fljótlega eftir síðasta leik á laugardag, en hann hefst kl.12:00.

Enn vantar einn fararstjóra í ferðina! Einnig vil ég minna foreldra á að skrá sig inn á facebook hóp flokksins. Linkurinn er: https://www.facebook.com/groups/1685190018381070/ Hópurinn heitir 5 flokkur kvk KA/Þór - og hægt er að leita að honum eftir nafninu líka :)