Hæhæ

Ég fékk loksins leikjaplanið í hendurnar í dag frá Þrótturum og eigum við fyrsta leik í Laugardagshöllinni klukkan 17:00. Við spilum svo klukkan 18:00, 19:00 og 20:00 allt í laugardagshöll og ljúkum keppni um hálf 9. Þetta er ekki alveg endanlegt leikjaplan en 95% líkur á að okkar leikir verði svona. 

Farið verður af stað með rútu klukkan 10:00 á föstudagsmorgun og mæting ekki seinna en 9:45 í KA-Heimilið. 

Ekki er gistingin ennþá orðin klár en Þróttarar ætluðu að láta mig vita með hana í fyrramálið. Þá mun ég setja inn frétt með hvað þarf að hafa með fyrir gistinguna, hvort það sé dýna eða ekki, og endanlegt verð á ferðinni. 

Líklegt er þá að ferðin kosti ca.12.000kr og er innifalið matur á leiðinni suður og heim, kvöldmatur á föstudag, mótsgjald, rútan og gisting með morgunmat. Þetta skal greiðast við brottför í peningum.

Mikilvægt er að stelpurnar hafi með sér nóg af nesti fyrir rútuferðirnar og einnig sem snarl inn á milli leikja. Betra að hafa meira en minna! Nestið á að vera hollt og gott, ekkert sælgæti eða gos.

Snjalltæki eru bönnuð en takkasímar til að hringja heim eru leyfilegir. Minni á að taka með sér handboltaskó og stuttbuxur, stelpurnar fá treyjur ef þær eiga ekki slíkar. 

Stelpurnar sem eru að fara í þessa ferð eru : Rakel Sara, Maren Ósk, Margrét Mist, Sunna Katrín, Sunna Dís, Birta María, Alexandra Kolbrún. 
Amma hennar Alexöndru hefur boðist til að koma með í ferðina og verður mér til halds og trausts.

Gott er að hafa með sér DVD myndir í ferðina svo hægt sé að slást um á hvaða mynd verður horft á á leiðinni :) Einnig hvet ég stelpurnar til að taka með sér einhver spil og afþreyfingu til að njóta á föstudagskvöldinu. 

Farið verður með 6. og 5. flokk karla suður ásamt 5. flokk kvenna og farið verður með þeim heim á laugardeginum líka. Líklegast lagt af stað upp úr tvö leytinu. 

Mótið okkar klárast á föstudeginum og því eigum við enga leiki á laugardeginum, við munum reyna að finna okkur eitthvað skemmtilegt að gera, stelpurnar fá aðeins að sofa út og svo verður að öllum líkindum kíkt á hina flokkana keppa áður en lagt verður af stað. 

Ef einhverjar spurningar eru þá endilega hafið samband við mig annað hvort í pósti á jon2444@gmail.com eða í síma 823-8750

Kv. Jón Heiðar