Hæhæ

Því miður fékk ég að vita í gær að KA-Heimilið er upptekið á næsta föstudag frá 16:15, það er leikur í 4.flokki kvenna og því fellur æfingin okkar niður. Mér var þó lofað öðrum æfingatíma seinna og kemur nánar í ljós síðar hvenær það verður. 

Annars er það í fréttum að 6.flokkur kvenna á Húsavík ætlar að gera sér ferð til okkar föstudaginn 6.mars og taka eina æfingu með okkur ef veður leyfir. Það verður skemmtileg tilbreyting og vonandi að við náum þá að vera allt að 18 á æfingu og meira hægt að gera :)

Ég er síðan búinn að skrá eldra árið okkar í mót í Reykjavík helgina 20.-22. mars sem kemur í staðinn fyrir mótið sem við komumst ekki á vegna ófærðar fyrr í febrúar. Nánar um það mót þegar nær dregur. 

Ég lét stelpurnar fá heimaverkefni fyrir næstu æfingu sem er að skrifa niður á blað æfingar sem tengjast handbolta sem þeim finnst skemmtilegt að gera. Þetta er alls engin skylda en væri gaman að fá að heyra hvað stelpunum finnst gaman að gera á æfingum og reyni ég þá að stíla meira inn á þær æfingar. 

Bestu kveðjur, 
Jón Heiðar - jon2444@gmail.com - 8238750