Nú hafa strákarnir æft frá byrjun ágúst og hefur þetta gengið alveg glimrandi vel. Við sjáum framfarir með hverri vikunni sem líður hjá drengjunum og þetta lítur allt mjög vel út.

Við erum skráðir með 2 lið í deildarkeppni í 3. flokki karla og leikur KA 1 í 1.deild en KA 2 leikur í 3. deild. Bæði lið spiluðu gegn Haukum síðustu helgi, sunnudaginn 25. september. Leikirnir voru þrælspennandi og réðust úrslitin ekki fyrr en á lokamínútunum, því miður duttu sigrarnir ekki með okkur að þessu sinni en við erum staðráðnir í því að gera tilkall í efrihluta deildanna.

KA 1 spilaði ekki nægilega vel framan af leik og voru undir í hálfleik 12-15. Þeir komu svo mun sterkari inn í seinni hálfleikinn en samt voru strákarnir alltaf skrefi á eftir Haukunum. Þegar 10 mínútur voru eftir af leiknum þá var staðan 18-24 Haukum í vil og þetta leit ekki of vel út. Við mikið einum færri og því reyndist þetta erfitt. En KA er lið sem hefur yfirleitt verið þekkt fyrir að gefast ekki upp og við söxuðum á forskot Hauka og þegar u.þ.b. mínúta var eftir minnkuðu strákarnir muninn í 24-25. Við fengum svo síðustu sókn leiksins til þess að jafna metin en það tókst því miður ekki og lokatölur voru eins marks tap fyrir sterku liði Hauka.

KA 2 spilaði svo strax á eftir liði 1. Við fórum vel af stað og höfðum yfirhöndina fyrsta korterið af leiknum. Haukarnir náðu þá góðum kafla og náðu að komast yfir og höfðu þriggja marka forskot inn í hálfleikinn, 12-15. Vörnin ekki að standa alveg nægilega vel í fyrri hálfleiknum, en Gústi og Dabbi samt að verja nokkra bolta sem héldu þessu í ekki meiri mun. Síðari hálfleikurinn var svo svipaður, við náum að jafna leikinn og komast svo yfir í stöðunni 23-22 þegar ca. 10 mín eru eftir. Haukar ná þá aftur góðum kafla og ná forustunni aftur. Þeir komast svo mest þremur mörkum yfir og halda því bili út leikinn og lokatölur 25-28 Haukum í vil.

Hellingur af flottum hlutum hjá strákunum í þessum fyrstu leikjum og við eigum bara eftir að verða betri með hverjum leiknum sem líður.

Gunnar Ernir